主页 > Z生活历 >2017十大笑死朕事件 >

2017十大笑死朕事件

2020-06-05 来源:Z生活历   |   浏览(214)

2017十大笑死朕事件

10:奥斯卡颁错奬
堂堂奥斯卡,居然出现「关家姐事件」,今年2月26日颁发最佳电影奬项时,因为工作人员将最佳女主角的信封交左畀华伦比堤,结果华伦比堤宣布最佳电影为《La La Land》,最后要由《La La Land》监製尴尬宣布,最佳电影得主实为《Moonlight》!
事后,负责分发结果信封嘅会计师楼承认责任,发错信封的会计师更收到死亡恐吓。
而最有趣嘅一环,係华伦比堤宣告结果时,已经觉得有古怪,唔肯读结果,推左畀费唐娜薇去读!



9:罗生鲜甜
罗生喺11月4日的《宅文化研究》节目,示範最低标準嘅饮食节目做法,足足做左成个钟头,介绍日本美食,但全程只能够用「鲜甜」去形容,又或者「唔识点形容」,连炸物佢都话係鲜甜。
结果「鲜甜」成为了年度潮语,底里含意係:「词穷」、「On9」、「唔识食咪撚晒钱特登飞去日本食啦!」等等意思。



8:Star Wars8,好垃圾

成也8,败也8,成就BB8,败家Star Wars8!
小弟有几嬲呢集《Star Wars》,但能够将一部科幻武侠史诗,拍到咁西都唔係话容易,当佢恶搞笑片嚟睇反而观感一流。
放Star Wars8上第八位,纯粹係要嚟治疗我内心伤痛,提醒我自己,以后要当呢套戏係黄百鸣式嘅低级笑片咁睇!

2017十大笑死朕事件

7:性交转运师,25万女信众
降头师被控性交转运,由于该降头师女信众极多,IG又有25万follower,IG上又发现多张与一群model的欢欣合照,事件旋即惹来一众网友热议,性交转运师顿时成为最受欢迎新兴行业,个个都想入行!
「古惑仔俱乐部」会长街巿勇最为心动,蠢蠢欲试,,才勉勉强强回头是岸。

2017十大笑死朕事件

6:壹週刊卖极都卖唔出

7月17日,《壹週刊》宣布出售予黄浩,连告别号都做埋,9月27日宣告「壹个时代的终结」,点知呢个时代一直都终结唔到,最终交易一直延期,去到年尾都仲未卖成,2018年都唔知卖唔卖到!
与此同时,死极死唔去嘅亚视又宣布复活,而江泽民仲有出席十九大!
自此,《壹週刊》与亚视、江泽民,成三足鼎立之势,未到最后,都难料边个死先。

2017十大笑死朕事件

5:大班又同后生仔嗌交
笑死朕常客大班又上榜!
话说黄之锋、罗冠聪等众志友,一放监就畀大班同一众D100主持丧闹,全因众志友10月24日放监后,居然未有第一时间接受D100访问,宁愿上商台《晴朗》做访问,都唔肯畀D100做电话访问!
大班大怒,指黄之峰等众志友,本身为D100主持,本身做节目已经差,仲要放监后冇第一时间上D100,明显係唔支持网媒发展,又唔撑自己友!
大班十年如一,时不时都搵D自己友嚟闹下,虽然新意欠奉,但胜在坚持,我们念在大班係常客,都加D感情分,故此安排上榜。

2017十大笑死朕事件

4:流亡政棍集团:本民青
「本民前」高举「时代革命」旗号,扯完旗,黄台仰着草,连之前plan B李东昇都失蹤,潜水多时被国师西瓜捞起的梁天琦都退党,友好政党「青年新政」,搞个示威就搭的士走路,立法会扮土拨鼠,口讲支持张秀贤补选但又不肯现身支持!
整个派系一以贯之:讲就兇狠、做就把撚、潜水着草、老撚土扮本土!
经呢班友仔过去两年咁样搞一搞,本土主义,而家变左「老土主义」!
或者有人会话,香港人就係锺意呢D擅长潜水嘅,但好可惜,就算计潜水能耐,佢地都唔係领先嗰一群,因为今年十号风球,,未毕业已经有一艘潜水艇,係「潜水界别」都领先过佢地!

2017十大笑死朕事件
2017十大笑死朕事件

3:厨神谢霆锋
谢霆锋转型做厨神,《十二道锋味》出现多个CHOK爆惹笑场面:甩香蕉、磨铁粉、戴护目镜炒菜,本来以为只係一时扮野,大家笑完就算!点知佢锲而不捨,继续又搞煮食比赛节目,又搞锋味战队!,又係比赛迫素食者煮肉⋯⋯
谢霆锋终证明左,坚持有时唔係美德,就算当笑话咁睇都会感到娱乐疲劳!
有说「柒到尽头就是型」,但谢霆锋连呢个概念都可以颠覆埋,佢个人本身简直就係份子料理!

2017十大笑死朕事件

2:黄碧云被性侵犯METOO
潮流兴METOO,连黄碧云都玩埋一份,12月7日自己走去滋扰葛珮帆直播,谢伟俊上前阻止,佢马上大嗌「性骚扰呀!性骚扰呀!」
单单「黄碧云」这个名字,跟「性骚扰」这三字连繫在一起,这事件已足以坐亚望冠!



1:打令被控诽谤
打令惹上官非,因为一个得几个SHARE嘅FACEBOOK STATUS,被MYRADIO入稟告诽谤。
点解这个事件会成为年度第一位笑死朕事件?因为堂堂黄毓民走去告网民?因为MYRADIO喺宣告打令係佢地竞争对手?因为一个无人SHARE嘅STATUS居然被指影响一个台嘅业绩?上述全部不是理由!
真正理由是,打令多次进行危险实验,并至居然斗胆直播煮食,还研製出不晓得能够称作食物的,有不少主持都玩过食过⋯⋯
打令今年做过咁多惊世创举,居然仍然未畀人告「误杀」或者「非法管有危险品」,佢今年居然係被人告「诽谤」,实在不可思议⋯⋯

2017十大笑死朕事件

English Version:

相关节目:
笑死朕第361集
2017十大笑死朕事件

笑死朕第310集
2016十大笑死朕事件


笑死朕第257集
2015十大笑死朕事件


笑死朕第205集
2014十大笑死朕事件


笑死朕第153集
2013十大笑死朕事件


笑死朕第102集
2012十大笑死朕事件


笑死朕第55集
2011十大笑死朕事件


笑死朕第13集
2010十大笑死朕事件


相关文章